Jangkepe Jowo Jiwoku

GAMA BUDHI KAWERUH URIP SAJATI

JANGKEPE JOWO JIWOKU

Nunggal laras sesambungane doyo

Rasuk rinasuk seksen sineksenan

Nunggal jagad sesambungane urip

Weruh wineruhan paseduluran

Hiyo sedulur tunggal ibu ..sedulur tunggal moho ibu ..sedulur tunggal sang ibu

SEDULURAN

Rogo klawan rogo liyane iku seduluran..iki ora ngomongno bangsane manungso nanging seduluran bongso rogo

Awit sato gegremetan sato galak iku yo nggowo rogo nyandang rogo

Jiwo jowo iku nganggep kabeh bongso sato iku sedulure dewe

Olehe nganggep yo kyo nganggep dulur ing tunggal wong tuwo

Ora mung dianggep hama ugo ingon ingon kanggo pepanganan

Nanging yo ora agawe cidro koyo olehe ora gelem nyidrani dulure tunggal wong tuwo

Mulane leluhur niro iku biso serawungan marang bongso sato opo bae ugo biso ngerti bosone bongso sato

Nalikane wus weruh wineruhan ateges iku ws sesambungan

Anane biso sesambungan iku amargo ono tunggal pepadhan

Rogo klawan rogo

Sukmo klawan sukmo

Badan klawan badan

Nyowo klawan nyowo

Jiwo klawan jiwo

Nunggal laras sesambungan manut doyone..nunggal jagad sesambungan manut uipe

rogo klawan rogo liyane iku sedulur ; yoiku dulur tunggal poncodriyo

sukmo klawan sukmo liyane hiyo sedulur ; yoiku dulur tunggal astendriyo

badan klawan badan liyan ugo sedulur ; ateges dulur tunggal tilasing driyo

nyowo klawan nyowo liyan ugo sedulur ; ateges dulur tunggal tilasing driyo ugo

amago dununge tilasing driyo ono ing nunggale badan lan nyowo

jiwo klawan jiwo liyan ugo sedulur ; hiyo dulur tunggal urip

Mulo sejatine kabeh kabeh iku sedulur awit bongso setitah bongso dumadi bongso jalmo

Sing ngrambyang sing ndhanyank sing ngaruhun hiyo sedulur

Opo maneh bongso dumadi klawan bongso dumadi

Mung kacik alus kurang alus..murni kurang murni

Sing diarani nisto iku nalikane agawe cidro ing dulure dewe

Nalikane ora ngakoni ing dulure dewe mulane banjur wuto uripe

Sih katresnan iku rosoing nugroho

Dudu pangirone angen angen dudu panggraitone cipto

Dudu roso dhemen dudu asih klawan pilih pilih

Ora ndunungi urip sing isih nggelar swargo naroko

PERTELANE BEBASAN

Boso ; bowo lan solah ; ateges dasar sikap (dasare gerak)

Wong weruh bosone sato koyo wedus sapi asu dll bosone macan kijang dll

Iku ora bosone sworo nanging bosone tingkah polah ugo bosone rupo lan pangroso

Amargo jowo jiwone, mulane yo ngerti maksut obah lan menenge dulure

Mangerteni ing pikarepe dulure (kabeh dumadi)

Dene kanggone sing wus waskito malah ngerti ing bosone wit witan

PEPENGET

Sesambungan iku werno loro ; sesambungan ing doyo lan sesambungan ing urip

Kliru yen ngarani ngerti bosone sato iku soko sworo/munie sato

Amargo akeh bongso sato iku olehe ngomong/komunikasi klawan tanpo sworo

Ugo ono sing nganggo sworo frekuensi tinggi/rendah nganti ora biso dirungu dening pangrungune uwong

Dadi jalarane ngerti ing bosone sato iku amargo wus nunggal klawan jejagading bongso sato

Mulane yo weruh..kyo olehe weruh pandulu klawan pandulu ing rerupan

Nunggal iku ono ing saknjerone sambung/jumbuh..saknjabane sambung iku aran gathuk

Bongso sato iku bangsane binatang yoiku ;

(sing ngambah udara/kikula/peksi..sing ono ing njero banyu/iwak/mina.. njero lemah/gegremetan ugo ing duwur lemah)

Dadi kanggone sing wus mangerteni urip sing kaaran mungsuh iku ora ono

Wruho niro ; sih iku sawijine roso kang tumuju ngenani ing sa gung dumadi ; mulane banjur ono lebur dening pangastuti

mulane angkoro njur ora biso murko

Wong ngakoni yen kabeh iku sedulure, banjur katon asu koyo ndeleng mungsuh

Katon tikus banget gethinge ora koyo ndeleng dulure tunggal wong tuwo

Iku nyatane yen isih durung jowo jiwone

Isih durung mangerteni “ibu bumi bopo angkoso”

Jowo jiwoku iku ateges : Manunggaling moho tunggale jagad.

“Podo Rahayuo Sa gung Dumadi”

Rahayu , Sagung Dumadhi

Read More

Tegese Ingkang Aran Lerem

Gama Budhi Kaweruh Urip Sajati

24 Mei 2017 

GAMA BUDHI KAWERUH URIP SAJATI

-LEREM-

( meneng-tenang-anteng )

Lereming poncodriyo

(pandulu.pangrungu.pangambu.pangecap.pangroso awak) 

Kaaran meneng

Lereming cipto

(panggagas.panggraito.panganggep)

Kaaran tenang

Lereming rahso

(bungah.susah.gething.dhemen.nesu.muring.seneng.manglah.... isp) 

Kaaran anteng

Olehe anteng temenan

Yoiku kaweningan

Olehe tenang temenan

Yoiku kaheningan

Olehe meneng ing NENG temenan

Yoiku mahening suci

Menengno rogo- Ngeningno cipto- Ngenebno rahso- Ngolah roso

Yoiku sing diarani samadhi.

WEDARANE INGKANG ARAN LEREM

Meneng iku ora obah tegese ora obah iku ora makarti

Meneng kae dudu padane tembung diam, dene diam iku mbisu (ora nyuworo)

Menengno rogo iku ngleremno poncodriyo, amargo sing dadi pancere rogo iku limang indriyo, yoiku ;

Pandulu-pangrungu-pangambu-pangecap-panggepok

Kalimone iku nunggal pisah, kawengku angen angen, dene awitane nglerem kae siji siji, ora bareng kalimone langsung

Yen sii wus biso lerem ganti sijine ganti sijine maneh lan sakteruse…hiyo iki sing diarani ‘pangrucatan’

Tegese pangrucatan iku pangudaran (gabung, kaudar dadi akeh) kosokbalene pangracutan

Dene pangracutan iku panggabungan (pisahan, ka-awor dadi siji)

PANGGEPOK

Panggepok iku pangroso awak, rosone awak iku koyo ; weruh keri, gatel, adem, panas, alus, kasab (rasaning awak)

Ngleremno panggepok ; hiyo ora makartino panggepok, ora nganggo rosone panggepok ing sawetoro, nalikane panggepok mau wus biso lerem, ateges ora makarti… 

ning kunu awit ono alusing panggepok, yoiku ‘alusing pangroso awak’

Hiyo iku sing sinebut awak alus, awak ingkang manjing ono ing kaalusan, dudu awak kasar iki dudu rasaning panggepok yoiku alusing panggepok

Awak sing ora kasinungan ing gatel keri adem panas ugo alus kasab…

Dadi awak alus kae dudu alusing pandulu ora alusing pangrungu…

Dadi ono ing sajeroning lereme panggepok, ning kunu ono awak ingkang sayekti, awak sing wekasane biso dadi pambukane opo kang sinedyo..

PANGECAP

Pangecap iku rosoning ngecap, rosone ngecap iku koyo ; weruh legi-pait-asin-kecut-isp (rasaning ilat)

Ngleremno pangecap ; hiyo ora makartino pangecap, ora nganggo rosone pangecap ing sawetoro, nalikane pangecap mau wus biso lerem, ateges ora makarti….

ning kunu awit ono alusing pangecap, yoiku ‘alusing pangroso ilat’

Awit dumunung ing kaalusan klawan necep lembuting sari sari kang dadi pikuwating karso

Yoiku pangecap sing wus ora kasinungan legi pait asem asin…

Dene karso iku bedo karo karep, yen karep iku pinuju ing arep, karso iku sadurunge pinuju ing arep, ateges alusing karep..

PANGAMBU

Pangambu iku rosoning ngambu, rosone ngambu iku koyo ; weruh wangi, anyir, amis (gegandhan)

Ngleremno pangambu ; yoiku ora makartino pangambu, ora nganggo rosone pangambu sawetoro, nalikane pangambu mau wus biso lerem, ateges ora makarti…..

ning kunu awit muncul alusing pangambu….

Hiyo awit dumunung ing kaalusan klawan ngirup murnine gegandhan, yoiku : ‘gondho sari’

Dadi pangambu sing wus ora kasinungan wangi, anyir, amis…..isp

Dene alusing pangambu kae kang dadi pikuwating cipto

Kang bakal mujutake sadengah ingkang pinuju, ateges biso anarik gethering karso….

Dadi sa-ciptane, katekan sa-pingine, amargo iku kang dadi larasing sedyo, kang nuju ingkang pinuju…

PANGRUNGU

Pangrungu iku rosoning ngrungu, rosone ngrungu iku koyo ; weruh duwwarrr, jledug, ktreekkk (sworo)

Ngleremno pangrungu ; yoiku ora makartino pangrungu, ora nganggo rosone pangrungu sawetoro, nalikane pangrungu mau wus biso lerem, ateges ora makarti……

ning kunu awit jumedhul ‘alusing pangrungu’

Hiyo awit dumunung ono ing kaalusan klawan krungu ing alusing sworo, yoiku : ’ sasmitoning sabdo’

Yoiku sworo njero ingkang biso nyirep sworo njobo

Ning kunu manungso awit biso mingis maligi panggraitone, lan thukuling ‘prabowo’

Dene ning kunu lagi biso tanggep ing tuwuhing sasmito, ateges landheping panggraito

Titis tetes tatas…

PANDULU

Pandulu iku rosoning ndulu, rosone ndulu iku koyo ; weruh rerupan, wewarnan, cahyo (kawujutan)

Ngleremno pandulu ; yoiku ora makartino pandulu, ora nganggo rosone pandulu sawetoro, nalikane pandulu mau wus biso lerem, ateges ora makarti….

ning kunu awit thukul ‘alusing pandulu’

Hiyo awit dumunung ono ing kayektene paningal

Ning kunu awit tumuwuh waskitoning nala

Yoiku karepe manungso biso dadi hyang dadi dewo dadi gusti ing arcopodo kene….

WEKASANING WEDARAN

Lereming poncodriyo iku biso nukulake alusing poncodriyo

Mulane banjur kaaran ‘dosondriyo’

Yoiku njobo njero kang wus gathuk lan jumbuh njur nunggal

Yen isih wengku winengku ateges durung sampurno nunggale

Dene sampurnane iku yen wus ora mengku ora kawengku yoiku ingkang wus maligi (yekti tunggal kahanan)

Nalikane dosondriyo kae wus sampurno, sayektine biso mengku ing sagung dumadi.

Wiwite pisan pindo ora gampang kang aran meneng ....

Mung soyo lawas soyo biso menengno rogo

Menenge rogo iku ingkang aran samadhine poncodriyo

Samadhine poncodriyo yo lereming poncodriyo hiyo sireping poncodriyo lan thukule alusing poncodriyo.

PEPENGET

Poncodriyo iku roso, ateges sing digawe ngrasakno

Koyo keri-gatel..anyir-wangi..legi-pait..sworo lan rerupan iku sing dirasakno

Sing dirasakno iku terusane sing digawe ngrasakno

Dadi sing dirasakno iku gumantung marang sing digawe ngrasakno

Mulane alusing poncodriyo ora meruhi sing dirasakno poncodriyo

Dadi terusane alusing poncodriyo hiyo aluse sing dirasakno poncodriyo

Dene angen angene hiyo katut dadi alus…………

Ratune poncodriyo dadi ‘ratu dosondriyo’

Rahayu , Sagung Dumadhi

Read More

Sambunge Serat Jiwo

GAMA BUDHI KAWERUH URIP SAJATI

SAMBUNGE SERAT JIWO

Serating Jiwo

Kang ateges tulisaning jiwo

Hiyo lukisaning urip

Hiyo Kahananing jiwo

Jiwatma jiwondo jiwodono

Nalikane ono susah hiyo mesti ono bungah

yen karepe katekan ono bungah

yen karepe ora katekan ono susah

iku nuduhno yen isih kasar rahsane

yen jiwoe isih kandhel wuwulane

hiyo nuduhno yen isih kasar rosone

mertelakno yen isih cilik dirine

yen isih bocah kamanungsane.......

Uwong Lan Kekarepan

Wong karep wong angon karep (pepinginan)

iku ora ono salahe, jenenge urip yo duwe karep

awit tetuwuhan, gegremetan hiyo duweni karep

mung sadengah urip iku pikarepe ora podo

amergo bedo bedone sing ndasari karep

hiyo bedoning sangkan tuwuhe karep

ono sing soko cipto, rahso, karso ugo roso

arane karep iku yen pinuju ing arep

dadi onoe karep iku amargo onoe SING DIKAREPNO

lha onoe sing dikarepno iku amargo onoe SING NGAREPNO

Nalikane ono karep katurutan ; bungah

yen ono karep ora katurutan ; susah

sing karep iku ora luput, dene sing luput iku sing angon susah

dedhasar angon susah, mulane susahe tuwuh subur gedhe uwite

yoiku sing dadi jalarane uwong : kagetan, nggumunan, mringis....isp

yoiku uwohe tanduran susah, pang pange roso kanerakan..

Kabeh kabeh karep penak kepenak

mung penak kepenak iku ora podo ukurane

amargo bedo bedoning diri yo bedo bedoning jiwoe

penak kepenak iku amung roso, dene roso iku amung piranti SING DIGAE NGRASAKNO

dene sing digae ngrasakno iku gumantung marang SING NGRASAKNO

sing ngrasakno yoiku si diri ateges UWONGE....

dadi ukurane penak kepenak iku ora dumunung ning 

SING DIRASAKNO yo ora ning SING DIKAREPNO..

dene bungah susah iku gegandengan ing salawase, ateges kahanane iku nunggal pisah

podo koyo kuwater lan getun iku hiyo nunggal pisah

ojo wedi wedi, marang opo bae madep opo bae ra usah wedi wedi

tegese manjing swargo iku ora gowo susah dudu ora gowo duso dene

kecemplung naroko iku amargo ora gowo bungah dudu mergo ora gowo pahala

dadi swargo naroko iku iyo nunggal pisah

swargo naroko ikuloh bleger kahananing bungah susah

Melbuo swargo, yen isih gowo susah iku tegese ngobong swargo

dadine yo kecemplung naroko

melbuo naroko, yen isih gowo bungah iku ateges nyiram naroko

dadine yo manjing swargo

sing nggelar jagad iku urip

sing nggelar papan mongso iku yo urip

sing dirasakno iku ORA ONO tanpo anane sing digae ngrasakno

sing digae ngrasakno iku ORA ONO tanpo anane SING NGRASAKNO

mulane dadine jagad iku gumantung marang SING NGRASAKNO

yoiku si diri si urip...

NIRWONO

Nalikane bungah susah wus lebur...

ora ono maneh sing digetuni ora ono maneh sing dikuwatiri

arep ono ing endi endiyo panggah wani

ngalami, nandangi opo bae yo ora getun mburi

hiyo ora kuwatir marang opo bae sing diadepi

yoiku sing diarani 'tatag'

Wani lan wedi iku yo piranti sing digae ngrasakno (roso)

wong wong bongso nirwono iku wus nglebur wedi

ugo wus nglebur susah, dadine tanpo susah tanpo wedi yoiku tatag

jiwoe wus salin rupo luwih alus ; yoiku jiwo kadewatan (bongso guruloka)

dadi ora ono jiwo bongso kadewatan gowo susah bungah ugo getun kuwater...

Mulane arep urip ing endi endiyo panggah wani bae

arepo ning jagad alus ning njero lemah ning awang uwung hiyo tetep tatag

urip ing mongso mbesok mbiyen saiki ; tetep wani bae

uripo dikoyo opo......... tetep wani yo panggah tatag bae.

TOTO TITI TENTREM

Tinoto tiniti tentrem pungkasane

tlitinen bedane sing dirasakno klawan sing digae ngrasakno

banjur meruhi sing ngrasakno

tuwuhe sih kang tumuwuh nalikane wus lebur dhemen lan gethinge

lebure dhemen iku : tresno

lebure gething iku : prihatin

prihatin iku dudu koyo nelongso opo sumusah opo duko loro

prihatin iku welas, welas marang pepadhaning urip

kabeh kabeh diwelasi...

tresno iku dudu dhemen dudu seneng, tresno iku sih, sih iku nugroho

ono sih pribadi, sih suci, sih mardiko, sih rahayu....isp

dene sih iku tumuwuh soko kaweningan 

ingkang tanpo tetimbangan ingkang tanpo pamrih

ono tresno ono prihatin, mulane banjur ono welas asih..

Tentrem kae ora dumunung ing papan yo ora dumunung ing kekarepan

ora ono ning sing dikarepno yo ora ning sing dirasakno

tentrem iku wekasane tinoto lan tiniti

tanpo toto titi yo ora ono tentrem

mulane ono wulang wuruk semedi

kanggone noto lan niti

supoyo salin rupo jiwoe

supoyo dadi alus rahsane

supoyo sarwo raras sarwo seneng

supoyo sing digae ngrasakno biso lebur nunggal : salin rupo ; salin kahanane

dadi luwih alus lan luwih edi rupane

dadine luwih bagus seratan jiwoe.

Rahayu , Sagung Dumadhi

Read More

Sandangane Urip

GAMA BUDHI KAWERUH URIP SAJATI

SANDANGANE URIP

Wiwitan kang tanpo rupo

panjenengane kaaran saliro

hiyo saliro suci

sadurunge ono wuwulaning doyo

ora kawulo yo dudu gusti

namung saliro suci

Tumurun kaserot anggelar papan

purwopodo arane

kang dadi jagate jiwo urip sandangan nyowo

kang tanpo badan tanpo suksmo

isih durung kaaran bongso

amargo isih tanpo rupo 

amung tejo sunaryo

Yoiku wahyu

ateges nyowo kang akeh

hiyo uriping jiwo sing ora akeh wuwulane

sumunare kang tanpo werno

mung hiyo luwih anyorot padhange

iki sangkane jiwo sing mowo ka adem an

Yoiku pulung

ateges bongkot

hiyo uriping jiwo sing luwih akeh wuwulane

tinimbang karo wahyu lan luwih ora suci maneh

sumunare biru semu ijo moyo moyo

iki sing dadi sangkane dhemen klawan bungah

Yoiku andaru

ateges kumelip lirkadiyo lintang

sumunare kuning semu abang moyo moyo

kang luwih ora suci maneh tinimbang wahyu lan pulung

hiyo jiwo urip kang andasari gumelare bawono

iki sing dadi sangkane salugune wong janaloka

Yoiku teluhbrojo

sumunar abang lapis biru

kang wus ora suci maneh

amargo doyo wuwulane wus banget akehe

sing dadi sangkane tumindak cidro

hiyo agawe sengsaraning liyan

Yoiku guntur

ateges gelap pekat

sumunare ungu lapis abang enom

sing dadi sangkane angkoro lan murko

kang wus banget ora sucine

Yoiku martiyu ugo antu

sumunare coklat lapis abu abu

kang dadi sangkane bongso sato

hiyo jiwo urip sandangan nyowo

kabeh sing ono ing purwopodo

bedo papane mung siji kraton

kaaran purwo hiyo kawitan

Dene temurune urip sandangan nyowo

kang anggelar badan banjur nyawiji

nunggale badan nyowo nganak'ake cahyo

sing dadi pambuntele badan nyowo

yoiku bangsane setitah

bangsane urip kang sandangan suksmo

kaaran titah urip

BONGSONING SETITAH

Urip kang wus anduweni rupo

suksmo kang dadi sandangane

cemlorot kahanane bedo praupane

ono

setitah ingkang ora tumitah

setitah ingkang durung tumitah

setitah ingkang tumitah

Ingkang ora tumitah kaaran titahing suksmo

dumunung ono ing kalangitan ugo pangrantunan

Ingkang durung tumitah iku sangkane kabeh dumadi

dumunung ono ing kalangitan

dene setitah ingkang tumitah

dumunung ono ing pangrantunan lan anggelar rogo

iku kabeh bongsone urip sandangan cahyo

BONGSONING DUMADI

Purwoning dumadi ing arcopodo

yoiku bangsane wit witan

kang dadi pepundening bawono

iku uripe wus anggowo nyowo ing arcopodo

asal soko banyu udan kedadeane

sing tumibo ono ing banyu segoro

nganti cecampuran klawan rereget

yo reget kang ono ing dhasaring segoro

dumadi kang aran lumut

banjur tuwuh sangsoyo gedhe

karepe tembung uwit iku urip kang sakawit

yoiku jiwo urip sandangan nyowo sing katarik dening doyoning bawono

banjur anggelar badane dadi kakayon

uwite metu kayu pang pange banjur uwoh

lan nukulake uwit maneh nganti anyebar akeh

dadi tetuwuhan iku rupane urip sandangan badan

mung ning arcopodo kene badane mau arupo kayu

Madyoning dumadi ing arcopodo

yoiku bangsane sato

amargo wiwite urip ning sajeroing banyu

banjur mentas urip ning daratan

mulane kaaran sato

ateges urip sing wus manggon papan loro

sing asal kedadeane soko antigo

ateges urip sing bakale nganggo telung awak

kang arupo cangkang sing kedadeane soko

howo kacampur doyoning suryo lintang mbulan

kaserot dening pramono

hiyo jiwo urip sing isih kabuntel

kang ono ing sajeroning segoro

banjur cangkange mlethek amargo panasing suryo

banjur pecah jumedhul arupo awak sambung telu

bebadaning jiwo kang asale ono njero 

jumedhul ambendhol kaaran endas

sambungane kaaran gembung minongko kang dadi wadahing udara kang sinerot

karepe gembung iku amargo nalikane udara wus lumebu wadahe

banjur katon mlembung

sambungane maneh kaaran buntut, amargo iku minongko pambunteling awak

kang menowo obah mesti katut

Dene antigo iku isih arupo cahyo lapis telu

dhasare kuning semu abang

tengahe putih semu abang

njabane abang enom

kang dadi asal anane bongso sato ing arcopodo

Bongso manungso

yoiku dumadi manungso

urip kang sandangan rogo

anggowo sapirang pirang doyoning bawono

awit doyo kang soko tetuwuhan lan kasatoan

nganti sapirang pirang doyo ing kalangitan

kawuwulan sapirang pirang doyo soko jiwo urip

nganti nukulake sapirang pirang rosoning urip

kagelar dumadi bleger siji

kaaran manungso

BONGSONING JALMO

Kaaran jalmo iku ateges dumadi sing njalmo

yoiku bangsane urip kang ono ing kaalusan

awit kang ono ing kaendran nganti kajaten

iku bongso urip sandangan jiwo

kang dadi paraning dumadi

hiyo dumadi jalmo

ono

ingkang durung njalmo

ingkang wurung njalmo

ingkang njalmo

Ingkang durung njalmo iku dumadi sing kandheg

mandeg ono ing antoropodo

amargo pambunteling urip durung sirno

suksmo badan nyowoe isih ono

Ingkang wurung njalmo iku dumadi sing bali

kaaran rengkarnasi

yo baline urip ing arcopodo

amargo kakuwataning tekad sing ora katekan

kaaran olo utomo

Dene ingkang njalmo

ono kang urip ing endraloka

dadi bangsane dhemit - siluman - brekasaan - memedi - peri - lelembut nganti bethoro

ono kang urip ing guruloka

dadi bangsane dewo - hyang - buddho - gusti

ono kang urip manjing kajaten

dadi bangsane pengeran.

Rahayu , Sagung Dumadhi

Read More

Eling Klawan Waspodo

GAMA BUDHI KAWERUH URIP SAJATI

WASPODONE ELING

Urup padhang soroting cahyo

Wutuh katompo

Anyirnakake sunaring grahono

Sirno ing lebur, dadi mijiling purnomo

Pepetheng lan bebingunge musnoh

Kaganti cetho welo welo terwoco

Sungune angkoro lan murko

Kasiram banyu ademing roso

Hiyo sajatining roso

Ingkang dumunung ing sajeroing jiwo

yoiku

Jiwone manungso sajati

Eling klawan waspodo

Iku dudu elinge angen angen

Ora cipto ora ripto

Dudu kelingan lan ngelingi

Nanging elinge budhi

Hiyo budhi iku tukang eling

Eling marang kajaten tanpo pegat

Eling lan waspodo iku loro loroning atunggal

Yen eling mesti waspodo

Yen waspodo mesti eling

Sing waspodo hiyo rosone

Yoiku roso sajati

Tukang ngrasakno kajaten

Olehe ngrasakno hiyo tanpo pegat

Nunggale budhi lan roso

Kaaran waspodoe eling

Ning janaloka, diri mowo angen angen lan engetan

Ning endraloka, diri mowo cipto ripto

Ning guruloka, diri mowo budhi

triloka arane, jagad gedene kabeh diri

Dene kang ono ning kajaten

Amung ingsun

Diri wus lebur sirno

Hiyo, ingsun kahanan jati

Dene Ingsun, mowo waspodoe eling

Sing eling : budhi

Sing waspodo : rosojati

Sing ngrasakno : ingsun

Eling klawan waspodo

Elinge iku ora ngeling ngeling sing dilalekno

Elinge iku ora kelingan marang sing wus dilalekno

Elinge y dudu ngelingi supoyo ora dilalekno

Iku mau kabeh, ateges makartine angen angen

Dene eling iku weruh marang anane

Hiyo weruhe budhi marang kajaten kang tanpo pegat

lan waspodoe iku ora amargo wedi, yo ora amargo terancam, y dudu sarupane pengawasan, y dudu ngawası..amung pakartıne rosojatı anyelaras marang kajaten.

Elıng ıku angen angene manungso sajatı

Waspodo ıku pangrosoe manungso sajatı

Mung eling bae iku angen angen

Mung waspodo bae iku pangroso

Dene eling klawan waspodo iku nunggal

Yen eling mesti waspodo 

Yen waspodo mesti elinge

Iku sing diarani elinge roso utowo rosone eling

Yoiku budhi klawan rosojati kang nunggal ing ka.eneng.an.

Rahayu , Sagung Dumadhi

Read More

Poncodriyo Klawan Arcopodo

GAMA BUDHI KAWERUH URIP SAJATI

PONCOINDRIYO KLAWAN ARCOPODO

Iku limang pangroso

.pandulu

.pangrungu

.pangambu

.pangecap

.pangroso awak

Tanpo ono kalimoe, arcopodo iki ora ono

Onoe arcopodo iki hiyo soko onoe kalimo mau

Iku dununge sing dirasakno..sing digae ngrasakno..lan sing ngrasakno..

Gelare arcopodo :

.rerupan lan wewarnan

.sworo

.gegandhan

.legi, kecut, pait, asin, sepet isp

.gatel, keri, alus, kasab, adem, panas

Onoe rerupan iku soko onoe pandulu, lan sirnoe rerupan iku soko sirnoe pandulu, mung ono lan sirnoe iku bareng.

Sworo.gegandhan.legi kecut.adem panas hiyo mangkono, sing ono soko onoe poncoindro

Kalimo limoe ikuloh sg anggelar onoe arcopodo..

Arcopodo iku jagad gedene poncodriyo

Poncodriyo iku jagad cilik

Poncodriyo iku arane roso wadag..poncodriyo diwengku angen angen..yo angen angen iku sing dadi ratune poncodriyo..

Yo ning kunu njur diri muni, arcopodo iki pancen ono..

Mangkene ;

Roso wadag+angen angen+diri = wong bongso donya

Gelare ;

Arcopodo iku jagad gede, ateges sing DIRASAKNO

Roso wadag iku jagad cilik, ateges sing DIGAWE NGRASAKNO

Diri iku sing NGRASAKNO.

Anane sing dirasakno iku gumantung marang sing digae ngrasakno, contone ; anane sworo iku gumantung marang anane pangrungu, sworo ora ono kanggone liyane pangrungu, amargo sworo iku jagate pangrungu, dudu anane pangrungu soko anane sworo..

Dene sing digae ngrasakno iku gumantung marang anane SING NGRASAKNO..

Mulo sajatine sing dirasakno iku ora ono, mergo anane manut sing digae ngrasakno, sing digae ngrasakno iku sajatine ora ono, mergo anane iku manut marang 

onoe SING NGRASAKNO..

Yoiku gelare urip ora nekani papan mongso, anane urip ora soko anane jagad, ananging anane jagad iku soko anane urip, jagad ora nggelar urip, nanging urip iku sing nggelar lan nggulung jagad, urip iku ora manut kahanan nanging kahanan iku manut urip, jagad ora gawe urip nanging urip iku sing gawe lan gelar jagad.

Amargo angen angen iku ratuning arcopodo, mulo kabeh wong donya iki mujo angen angen, hangawulo marang angen angen.

Ning arcopodo (janaloka)

Ono swargo narokoe

Yoiku kepenak lan ora penak

Kang ateges swargo narokoe angen angen

Arupo kesenengan lan sengsorone rogo

Manungso sing gedhe jiwo kawadagane

Yoiku blegere wong bongso donya

Ono wong bongso donya

Ono wong bongso alus

Ono wong bongso dewo

Ono wong bongso pengeran

Dununge kabeh mau dewe dewe

Manut marang jiwoe

Gumantung marang gedhe cilik.e rosoe

Awit kajaten.guruloka.endraloka iku kalingkep janaloka kanggone wong bongso donya

Kajaten.guruloka hiyo kalingkep kanggone wong bongso alus

Kajaten iku kalingkep kanggone wong bongso dewoto

Amung wong bongso pengeran bae sing biso cetho marang anane kajaten.

Rahayu , Sagung Dumadhi

Read More

Limang Roso

GAMA BUDHI KAWERUH URIP SAJATI

PONCOINDRIYO KLAWAN ARCOPODO

Iku limang pangroso

.pandulu.

.pangrungu.

.pangambu.

.pangecap.

.pangroso awak.

Tanpo ono kalimoe, arcopodo iki ora ono

Onoe arcopodo iki hiyo soko onoe kalimo mau

Iku dununge sing dirasakno..sing digae ngrasakno..lan sing ngrasakno..

Gelare arcopodo :

.Rerupan lan wewarnan.

.sworo.

.gegandhan.

.legi, kecut, pait, asin, sepet isp.

.gatel, keri, alus, kasab, adem, panas.

Onoe rerupan iku soko onoe pandulu, lan sirnoe rerupan iku soko sirnoe pandulu, mung ono lan sirnoe iku bareng.

Sworo.gegandhan.legi kecut.adem panas hiyo mangkono, sing ono soko onoe poncoindro

Kalimo limoe ikuloh sg anggelar onoe arcopodo..

Arcopodo iku jagad gedene poncodriyo

Poncodriyo iku jagad cilik

Poncodriyo iku arane roso wadag..

poncodriyo diwengku angen angen..yo angen angen iku sing dadi ratune poncodriyo..

Yo ning kunu njur diri muni, arcopodo iki pancen ono..

Mangkene ;

Roso wadag+angen angen+diri = wong bongso donya

Gelare ;

Arcopodo iku jagad gede, ateges sing DIRASAKNO

Roso wadag iku jagad cilik, ateges sing DIGAWE NGRASAKNO

Diri iku sing NGRASAKNO.

Anane sing dirasakno iku gumantung marang sing digae ngrasakno

contone ; anane sworo iku gumantung marang anane pangrungu, sworo ora ono kanggone liyane pangrungu, amargo sworo iku jagate pangrungu, dudu anane pangrungu soko anane sworo..

Dene sing digae ngrasakno iku gumantung marang anane SING NGRASAKNO..

Mulo sajatine sing dirasakno iku ora ono, mergo anane manut sing digae ngrasakno, sing digae ngrasakno iku sajatine ora ono, mergo anane iku manut marang 

onoe SING NGRASAKNO..

Yoiku gelare urip ora nekani papan mongso, anane urip ora soko anane jagad, ananging anane jagad iku soko anane urip, jagad ora nggelar urip, nanging urip iku sing nggelar lan nggulung jagad, urip iku ora manut kahanan nanging kahanan iku manut urip, jagad ora gawe urip nanging urip iku sing gawe lan gelar jagad.

Amargo angen angen iku ratuning arcopodo, mulo kabeh wong donya iki mujo angen angen, hangawulo marang angen angen.

Ning arcopodo (janaloka)

Ono swargo narokoe

Yoiku kepenak lan ora penak

Kang ateges swargo narokoe angen angen

Arupo kesenengan lan sengsorone rogo

Manungso sing gedhe jiwo kawadagane

Yoiku blegere wong bongso donya

Ono wong bongso donya

Ono wong bongso alus

Ono wong bongso dewo

Ono wong bongso pengeran

Dununge kabeh mau dewe dewe

Manut marang jiwoe

Gumantung marang gedhe cilik.e rosoe

Awit kajaten.guruloka.endraloka iku kalingkep janaloka kanggone wong bongso donya

Kajaten.guruloka hiyo kalingkep kanggone wong bongso alus

Kajaten iku kalingkep kanggone wong bongso dewoto

Amung wong bongso pengeran bae sing biso cetho marang anane kajaten.

Rahayu , Sagung Dumadhi

Read More

Serat Jiwo

GAMA BUDHI KAWERUH URIP SAJATI

SERAT JIWO
Pasinaoning urip lumakuning njobo njero
Olehe ngawasi niteni pangroso
Ono sing dirasakno sing digawe ngrasakno sing ngrasakno
Obah mosike sing dirasakno iku opo
Owahe sing digawe ngrasakno iku endi
Weweko marang saliring obahe njobo njero

Niti sing ngrasakno iku sopo
Dadio waskito ing gelar uripe dewe
Asale ono bali ono asal ora ono bali ora ono
Ameruhi endi sangkan endi parane

Andeleng gelare kahanan
Antetepi gelare sebab dumadine
Awit ingkang katon lan ora katon
Terang ing bedo klawan jatine.
Anane sing dadi dumadi lan kedadiane

NJOBO KLAWAN NJERO
Luputing rumongso anggowo susah piloro
luputing panganggep ing sangkan piguno
dunyobrono iku digunakno gawe anyukupi butuhe rogo
koyo mangan ngombe papan sandangan
lupute yen digawe nyukupi kabutuhan njero
dene dunyobrono ora biso anyukupi njero
koyo kamulyan kakuwasaan pangkat jabatan
amergo luput amesti tompo pasiksane
amung biso kanggo nyukupi butuhing njobo
anggiring ing pungkasaning pasiksan arupo kuciwo
mulo salah kedadian yen arep mulyo nganggo dunyobrono
mahanani tumindak luput ing salah kaprah

Niteni ing kadadiane
iku meruhi ing sangkan kedadian klawan dadine
bedane uyah klawan asine bedone segoro klawan ombake
ngawigati ing awake dewe yo ing uripe dewe
sing ngrasakno sing digawe ngrasakno lan sing dirasakno
bedaning njobo klawan njero
iku tlitinen nganti tekan ing bongkote
ing endi asal karep jumedhule
banjur weruh ing endi sangkane

AKIBAT SOKO SEBAB
Ono akibat mesti ono sebab, ono sebab y ono akibat
kekarone iku terusane kedadian sing runut ing sawiji mongso
sebab dianggep ndadekno akibat
lemah teles kasiram banyu
siraman banyu dianggep dadi sebab, telesing lemah iku akibat
endi sebab lan endi akibate.....
dadi sebab akibat iku wewatekane samar
ateges sebab akibate iku ora dumunung ing banyu lan lemahe
ora terwoco ing poncodriyo (kesamaran)
ananging dumunung ing pangerten ono sajeroing kahanan
dadi sebab akibat iku siji kahanan nanging ono rong rupo (wujud)
yoiku tumindak anggandengno sawiji kedadian marang kedadian liyo
Uwit Uwoh Ceblok Thukul Uwoh
nalikane sebab akibat iku kaanggep rong perkoro
andadekake ora biso dhemen ing sebab gething ing akibat 
Uwoh lan Uwite dadi pitakon jumedhule disek endi...
mung kanggone sing wus wikan uwoh uwit iku sawiji kedadian
mung rong rupo yoiku sebab lan akibat
dumadine dhemen sugih gething sregep lan gemih
utowo gething marang sebab dhemen klawan akibat
bab sugih sing ora ndadak ugo ora amergo warisan yo mergo usahane dewe
iku nalikane uwong ora wikan yen sebab akibat iku sawiji
kedadiane : males lan boros sing dadi cita cita
mburu sugih ngedohi sregep gemih
koyo dene kucing nguber buntute dewe
podo ugo gething lan ngemohi mlarat (miskin)
ananging dhemen lan mburu males klawan boros
"males iku roso ingkang mlarat dene sregep iku roso ingkang sugih"
doyan akibat ngemohi sebab amargo dikiro iku rong perkoro
-boros iku kurang iso ngramut kabutuhane rogo
-gemih iku iso ngramut kabutuhane rogo
dadi nalikane wus wikan yen sebab akibat iku sawiji
mulo wikan marang sawijining sebab akibat iku kaaran ucul soko kaluputan
ning kunu biso ucul soko mburu akibat klawan ngedohi sebab
koyo dene wong mangan ora mburu wareg
amargo weruh yen wareg iku kedadian nalikane mangan akeh
hiyo luputing panganggep dumadi lepas soko mburu akibat tanpo sebab

Mangkene :
luputing pangroso iku sirno nalikane wus weruh marang sangkane
awit nesu susah manglah muring iku kabeh asale soko kaluputan sing ora kinaweruhan sangkane.

Dadio mardiko 
Ora katut marang sing dirasakno
Ora ngetut marang sing digawe ngrasakno....

Rahayu , Sagung Dumadhi

Read More

Mbabar Jati Dhiri

GAMA BUDHI KAWERUH URIP SAJATI
WEDARANING DHIRI
ANGGAYUH PRIBADI
MANUNGSO KANG SAJATI
DUMUNUNG ING KASAMPURNAN
SAMPURNO SANTOSA
ING SALIRING MONGSO
HAYU RAHAYU RAHARJANING JAGAD

Ki Semar Ngejowantah

DOWNLOAD PDF
LINK

Rahayu , Sagung Dumadhi

Read More

Jowo Jiwoku

KAWERUH JOWO

GAMA BUDHI KAWERUH URIP SAJATI

Rerupan ireng ngebeki arcopodo
rerupan biru ngebeki samudro tuwin angkoso
ijo ijoan ngebeki bawono
kaweruh jowo kang sakawit soko bongso jawoto
hiyo bongsone manungso jowo
kagelar ing mongso ewonan taon kepungkur
awit sing diarani ebles, setan, moloekat, bethoro, dewo, gusti, pengeran, hyang iku kabeh durung ono kasebut ing bumi jowo.

'Ibu bumi bopo angkoso'

Sekabehe ingkang tumitah, sekabehane ingkang dumadi, sekabehe poro sujalmo
iku sedulur siro.
ono dulur amargo ono sesambungan ono pepadhan
hiyo sapodo-podo ; ingkang tumitah bebadan suksmo dene ingkang dumadi anggowo suksmo ugo,
ingkang dumadi anggowo jiwo dene poro sujalmo bebadan jiwo.
mulo kabeh hiyo seduluran, sedulur sapodo-podone ngaurip
sesambungane poro dulur kui kaaran pesederekan.

Ono sedulur tunggal panunggal
ono sedulur tunggal mongso kelairan
ono sedulur tunggal ibu
ono sedulur tunggal rogo, tunggal karso, tunggal cipto lan roso.
kabeh mau kaaran 'kaweruh ing panunggalan'
dene panunggalan iku sing marai ono kerukunan, onoe kerukunan marai ono gotong royong, yoiku disonggoh bebarengan.
dene sangkane panunggalan iku soko pesederekan, lan pesederekan iku soko sambunge seduluran kaaran 'setunggal jagad'. 

Rogo klawan rogo liyane iku hiyo setunggal, hiyo sedulur, koyo toh rogone danu lan budi, rogone sato lan gegremetan, rogone iki lan iku.....
karso klawan karso liyane iku hiyo setunggal, hiyo sedulur ugo, dene sing sinebut karso iku karep kang kagowo soko wiwitane, tembung saiki kaaran 'naluri'
dadi naluri nalurine kabeh dumadi kabeh bongso iku setunggal..sedulur
cipto klawan cipto liyane hiyo setunggal, hiyo sedulur cipto arane, mulane cipto marang cipto iyane iku biso sawab sinawab, biso saut sautan amargo sedulur
roso klawan roso liyane ugo setunggal hiyo seduluran ing roso pangroso, rosoku klawan rosomu iku saktemene ora bedo, koyo dene banyu puteh klawan banyu kopi iku saktemene podo podo ingdalem banyune.
rogo iku sinebut awak wadag ateges wadahe sapirang pirang pirantine urip bongso dumadi
karso iku karep kang wus ono soko sangkane yoiku karep sing digowo klawan nyowo
cipto iku hiyo angen angen
roso iku hiyo pangroso

Amergo kabeh kabeh iku sedulur, mulo ora wenang tumindak cidro marang liyan, ora wenang agawe olo marang liyan, ora wenang gawe pitunane liyan.
saktemene sing sinebut mungsuh iku ora ono, onoe hiyo mung nalikane lali marang pesederekan, utowo ora weruh marang dulure dewe.
ono dulur tunggal mongso kelairan ; yoiku bebarengane mongso laer ing arcopodo iki, awit soko bongsone sato kikula iwak gegremetan tuwin manungso, kaaran dulur tunggal moho ibu.
ono sedulur tunggal panunggal ; kaaran dulur tunggal sang ibu lan sedulur tunggal ibu kaaran 'dulur tunggal wong tuwo'

Mulo sarupane kang ono iku sedulur kito kabeh ; awit cacing, kupu kupu, macan, celeng, wong bodoh wong wuto wong durjono wong becik.......kabeh iku hiyo tetep dulur niro,
ora weruhe uwong ing dulure dewe iku mung soko kurange pengerten marang tegese kang aran dulur, dikiro mung ono dulur tunggal wong tuwo thok' sing ono..bongsone sato tuwin gegremetan ; koyo semut, cacing, set lan liyo liyone iku dianggep mung dumadi sing nggremet-nggremet bae, ora ngerti yen sing nggremet-nggremet iku dulure dewe, ojo maneh mengkono ; bongsone sato koyo dene sapi, wedus dikiro pepanganan kanggone menungso, ora ngerti ngertiyo yen iku dulure dewe hiyo dulur tunggal sang ibu.

Arep diakoni opo ora, arep dingerteni opo ora, arep dipercoyo opo ora kabeh dumadi tuwin jalmo hiyo sedulur siro kabeh..
manungso agawe pepati marang manungso, manungso agawe pepati marang sato.......iku podo bae kaaran 'gawe pepatine liyan' hiyo podo podo kaaran tumindak olo marang dulure dewe, mulo wong jowo iku luwih ngati ati yen arep ngethok wit witan, awit sadengah isen isene uwit iku mesti dienggoni bongsone gegremetan.

Dene kaweruh panunggalan iku mahanani lestarining urip bebrayan, mahanani ademe roso pangroso, mahanani weninge cipto, ugo lereme rahso kabeh mau agawe tentrem ing tyas.
anane bongsone sato kaanggep bedo klawan bongsone manungso iku mung bedo ing rupo lan kahanane jiwo bae, sakliyone iku hiyo podo, podo podo sandangan rogo, podo podo anggowo karso ; koyo mangan ngombe turu, hiyo podo podo tunggal sang ibu ugo podo podone ngaurip lan kaaran setunggal jagad.

Rogo klawan rogo liyane setunggal iku mangkene :
nalikane ono uwong weruh, katon tangane koncone ketutuk palu ; ning kunu uwong kroso koyo koyo tangane dewe hiyo ketutuk palu ; hiyo iku tondo yen tanganku lan tanganmu iku saktemene setunggal, mripate kancane keculek, sing katon weruh hiyo koyo koyo melu keculek....mangkono sakteruse

Karso klawan karso, cipto klawan cipto, pangroso klawan pangroso iku hiyo setunggal, 
mulo biso sambung anyaut, mulo kaaran sedulur.

Rahayu , Sagung Dumadhi

Read More